بسم الله الرحمن الرحيم
كانت اولى العبارات اللى سمعتها فى آحدى المحطات الاذاعيه وانا فى طريقى للكليه امبارح الصبح
ومكنتش بصراحه محتاجه اسمعها علشان يوصلى احساس مشابه لده
قد يكون العنوان غريب ومستفز كمان لكن ده اللى حسيته من الاجواء فى الايام اللى فاتت
وفوجئت بآحدى المحطات الاذاعيه بتأكده
وبجد مبقتش عارفه اقول ايه وهما مش منتظرين نصر للبلد بعد اكتوبر الا من خلال تصعيد المنتخب لكأس العالم !!!!
اجواء غريبه خيمت على الشوراع والميادين
المحلات والكافيهات كانت بترقص من قبل الماتش بيوم .. لا بأيام على انغام الاغانى الوطنيه
جميع محطات مترو الانفاق يوم الماتش شغال فيها اغانى وطنيه وتحميسيه
احساس غريب جداااااااا بجد !!!!!
خلانى اسأل .. هو فى ايه ؟؟؟!!!!!
فى الحقيقه الاجابه كانت موحده ولم يختلف عليها اتنين
" اصل الناس عايزه تفرح "
يااااااااه للدرجه دى الناس عايزه تفرح !!!
بصراحه مشفتهاش كده ..
ومش شايفه ان كل ده علشان الناس نفسها تفرح بس
على قد ما شايفه ان كل الناس عندها تعطش للشعور بالانتماء للبلد والوطنيه والتعبير عن ده حتى وان كان الانتماء ده انتماء مزعوم او حتى انتماء مزيف
مش فى جوهره ولكن قد يكون فى دوافعه !!!
على قد ما احنا ساخطين على البلد واللى بيحصلنا فيها
على قد ما عمرنا قدرنا رغم كرهنا لحياتنا فيها اننا ننزع انتمائنا الفطرى ليها !!!
وما بنصدق اى حاجه تيجى تطلع طاقه الانتماء والوطنيه اللى ملناش مجال للتعبير عنها فى بلدنا الا من خلال منديال او بطولات رياضيه !!!
انا معاكوا ان الناس فى بلدنا نفسها تفرح
ونفسهم يحسوا بالانتماء للبلد
ونفسهم يفتخروا بوطنهم
ونفسهم ونفسهم ونفسهم .. الخ
ولكن للاسف .. انا مشفتش فى ملامحهم فرحه وانتماء وفخر
انا شفت اشباه فرحه واشباه انتماء ووطنيه وتداعيات فخر مزعوم !!
شفت فى ملامحهم اشباه احاسيس اتحرم علينا نحسها فى بلدنا ووطنا !!
اتمنى يجى اليوم اللى افخر فيه ببلدى بجد وافرح فيه فرحه حقيقيه
اتمنى يجى اليوم اللى افرح بتصعيده ليلحق ركب الدول المتقدمه
اتمنى يجى اليوم اللى افخر فيه بتفرده وتميزه فى مجال معين على مستوى دول العالم
وياريت _ على رأى منير _ تكون لسه الامانى ممكنه !!!!
واسيبكوا فى فرحتكم لحد يوم 18 نوفمبر
وكل منديال واحنا موهومين
كانت اولى العبارات اللى سمعتها فى آحدى المحطات الاذاعيه وانا فى طريقى للكليه امبارح الصبح
ومكنتش بصراحه محتاجه اسمعها علشان يوصلى احساس مشابه لده
قد يكون العنوان غريب ومستفز كمان لكن ده اللى حسيته من الاجواء فى الايام اللى فاتت
وفوجئت بآحدى المحطات الاذاعيه بتأكده
وبجد مبقتش عارفه اقول ايه وهما مش منتظرين نصر للبلد بعد اكتوبر الا من خلال تصعيد المنتخب لكأس العالم !!!!
اجواء غريبه خيمت على الشوراع والميادين
المحلات والكافيهات كانت بترقص من قبل الماتش بيوم .. لا بأيام على انغام الاغانى الوطنيه
جميع محطات مترو الانفاق يوم الماتش شغال فيها اغانى وطنيه وتحميسيه
احساس غريب جداااااااا بجد !!!!!
خلانى اسأل .. هو فى ايه ؟؟؟!!!!!
فى الحقيقه الاجابه كانت موحده ولم يختلف عليها اتنين
" اصل الناس عايزه تفرح "
يااااااااه للدرجه دى الناس عايزه تفرح !!!
بصراحه مشفتهاش كده ..
ومش شايفه ان كل ده علشان الناس نفسها تفرح بس
على قد ما شايفه ان كل الناس عندها تعطش للشعور بالانتماء للبلد والوطنيه والتعبير عن ده حتى وان كان الانتماء ده انتماء مزعوم او حتى انتماء مزيف
مش فى جوهره ولكن قد يكون فى دوافعه !!!
على قد ما احنا ساخطين على البلد واللى بيحصلنا فيها
على قد ما عمرنا قدرنا رغم كرهنا لحياتنا فيها اننا ننزع انتمائنا الفطرى ليها !!!
وما بنصدق اى حاجه تيجى تطلع طاقه الانتماء والوطنيه اللى ملناش مجال للتعبير عنها فى بلدنا الا من خلال منديال او بطولات رياضيه !!!
انا معاكوا ان الناس فى بلدنا نفسها تفرح
ونفسهم يحسوا بالانتماء للبلد
ونفسهم يفتخروا بوطنهم
ونفسهم ونفسهم ونفسهم .. الخ
ولكن للاسف .. انا مشفتش فى ملامحهم فرحه وانتماء وفخر
انا شفت اشباه فرحه واشباه انتماء ووطنيه وتداعيات فخر مزعوم !!
شفت فى ملامحهم اشباه احاسيس اتحرم علينا نحسها فى بلدنا ووطنا !!
اتمنى يجى اليوم اللى افخر فيه ببلدى بجد وافرح فيه فرحه حقيقيه
اتمنى يجى اليوم اللى افرح بتصعيده ليلحق ركب الدول المتقدمه
اتمنى يجى اليوم اللى افخر فيه بتفرده وتميزه فى مجال معين على مستوى دول العالم
وياريت _ على رأى منير _ تكون لسه الامانى ممكنه !!!!
واسيبكوا فى فرحتكم لحد يوم 18 نوفمبر
وكل منديال واحنا موهومين
