انا ليه فكرت فى المدونه ؟؟؟؟

رغم عدم معرفتى الكبيره بالمدونات ولكن راوضتنى الفكره اكتر من مره ...
اتحمستلها اوقات وعزفت عنها اوقات تانيه لحد ما كبرت فى دماغى انى لازم اعملها ...
عملت مدونتين قبل مدونتى دى ودايما كنت لما اخلصها واسجل خروج وارجع علشان ادخلها معرفش ادخل ويبقى فى مشكله فى الباس ورد ...
عزفت عن الفكره من جديد وزهقت وقلت بلاها مدونات ...
بس برضه كان عندى رغبه ملحه وتحدى انى اعمل مدونه وافعلها بدل المدونتين اللى فاتوا ...
وفعلا جربت انهرده اعمل المدونه والحمد لله الامور اتظبطت ومحصلش زى كل مره ...
بس وانا بعملها لقيت نفسى مستغربانى اوووى .. ايه سر الاصرار ده ؟؟؟
انا هعمل ايه فى المدونه دى او ايه جدوتها عندى ؟؟؟؟!!!!!
مش عارفه.. يمكن فى افكار بتراوضنى وببقى حابه اعبر عنها وافرغها من دماغى ...
بس العجيب بقى برغم حماسى للمدونه الا انى اول ما عملتها فعلا فقد الحماسه فى تدوين اى شئ !!!!!!!
مش فاهمه ايه السبب ؟؟؟!!!!
عموما هبدأ اكتب الى كنت محضراه من قبل وبعدين بقى نبقى نشوف حكايه الحماس دى ...