بسم الله الرحمن الرحيم ..
سؤال معتاد فى تجمعات الاصحاب وحتى العاب الصراحه بين البنات ..
وبصراحه بقى سؤال مثير للاستفزاز _ على الاقل بالنسبالى _ ..
استنوا بس وانا هقولكوا ليه ..
المشهد الاول :
مجموعه بنات قاعدين مع بعض بيضحكوا ويهزروا ..
يفضفضوا ويدردشوا ..
فى وسط الكلام سألت واحده منهم السؤال المعتاد ..
وبدأت كل واحده تسرد صفات " فارس الاحلام " !!!!!
وسمعنا كل واحده فى سردها لصفات اقرب للمثاليه _ لا لا عدم وجودها ولكن لمجرد مغاله كلا منهم فى تقدير ما تريد _ يكون مثقف واخلاق ومتدين , وشخصيته مستقله وطويل وعريض وزى القمرو...... غيره وغيره الخ ..
طيب نتنقل للمشهد التانى :
بعد مرو القليل من السنوات ..
اتجمعوا تانى نفس البنات ..
وكل واحده قعدت تحكى عن حياتها واللى فات ..
وبدئوا يفتكروا المواصفات ..
علشان تتصدم كل واحده بوهم فارس الاحلام !!!
معظمنا _ ومش هعمم _ لكن الغالبيه العظمى لما بشوف شريك حياتها ونفتكر قايمه مواصفتها ..
بنصاب بالدهشه والاحباط ..
ونقول ليه دايما بنقدم تنازلات ..
ومش بنلاقى كل المواصفات !!!!
وهنا بتنتهى فصول مسرحيتنا لكن لسه للحديث بقيه ..
واسمحولى اخد دور الناقد للمسرحيه ..
اعتقد اننا مش بنقدم تنازلات ولكن احنا بنبقى مش عارفين احنا عايزين ايه فى شريك الحياه ..
لربما لاننا اساسا لسه مش قادرين نفهم نفسنا بشكل صحيح _ وده ظاهريا فقط _ وعلشان كده واحنا بعيد عن الاختيار الفعلى بنتمنى صفات معينه فى الشريك ونرفض التخلى عنها ..
اما عند الاختيار فنحن نحتار بأدركنا لا بأمانينا !!!!
طيب ازاى ..
انا هقولكوا ..
كل حد مننا طول ما هو عايش بيكتسب صفات معينه وملامح شخصيته ..
وبشكل لا ارادى ينجذب على مر سنين حياته للافراد _ سواء اصدقاء , معارف او حتى شريك حياتنا _ من خلال ما يتوافق ويكمل شخصيته ..
علشان كده مش شرط الشخص اللى ينجذب ليه ويرتبط بيه يكون هو الصوره اللى كانت بتفرضه عليه احخلامه وخيلاته ..
ولكنه بكون الشخص اللى يناسبه واللى عاش طول عمره فعلا يدور عليه ..
حد فاهم حاجه ومتفق معايا فى اللى قلته ؟؟؟؟؟
6 التعليقات:
يس يس انا فاهمة و اتفق معاك
^_^
موضوع المواصفات اى انسان عموما بيحلم بالمثالية رغم انه هو اصلا مش كده .. و على فكرة ده مش على شريك الحياة فقط لا ممكن يكون للصديق و اوقات كتير ناس بتتمنى العائلة تكون كده بردو و بتكون معترضه على العائلة الفعلية .. شوفتها كتيييييير النوعية دى
لكن لما نكون فى ارض الواقع اكيد كل واحد بيختار اللى بيكمل شخصيته بعيد بقى عن المثالية و الاحلام .. يعنى بالمعنى الاصح الاختيار بيكون ناضج و واعى مش حالم
^_^
" لكن لما نكون فى ارض الواقع اكيد كل واحد بيختار اللى بيكمل شخصيته بعيد بقى عن المثالية و الاحلام .. يعنى بالمعنى الاصح الاختيار بيكون ناضج و واعى مش حالم "
بالظبط كده يا فيلوت ..
بس فى الغالب ده بيحصل مش عن ادراك ووعى مننا ..
يعنى احنا مش بندرلاك اننا بنبالغ فى تطلعنتنا ولكن بنختار حسب ادركنا باحتياجتنا الداخليه الكامنه فى عقلنا الباطن مسبقا ..
منوره المدونه كالمعتاد يا حبى ..
اممممممممم
بصي يا قمر انا متفقه معاكي من اول بدايه المسرحيه لحد انتهائها
بس حكايه ان البنات مش عارفين همه عاوزين ايه انا اختلف معاكي اه في بنات كده لكن مش الكل الاغلبيه العظمي منهم بتبقي احيانا البنت عارفه هي عاوزه ايه لكن مع الاسف وقت الجد بتطر تنزل لارض الواقع بابشع الطرق وبتخاف لقطر الجواز يفوتها وبدل ما دلوقتي هتقدم تنازلات عن صفات معينه تخاف انها بكره تطر تقبل باي واحد وخلاص
الحمد لله انا لسه مش من البنات دول بس يااااااااااااخوفي لكون منهم في يوم من الايام رغم اني متمسكه باحلامي وطلباتي لاخر لحظه
رغم انها مش خياليه يعني مثلا عاوزه واحد راجل بجد راجل في عقليته وتصرفاته ورجاحه عقله راجل يعتمد عليه ومع الاسف انا في زمن ماتت فيه الرجوله من ايام حرب اكتوبر
وعاوزه واحد متدين يعني لاينصب ولا ينهب وبعد كده ويسمي نفسه فهلوي ويجيب القرش من بق العوو ههههههههههه
ومن الناحيه التانيه في بنات بيبقو عاوزين صفات لكن وقت الجد بتلاقي صفات تانيا مجتش علي بالها قبل كده صفات اتفقت معاها وحبتها فليه لا
صراحه انا عن نفسي مش شايفه اني ببالغ في تطلعاتي لاني عارفه اني مش كامله ومنقووووووووووووووووطه اني مش لاقيه حد كده وحالفه عليا وعلي اعدائي مش هتجوز غير اللي فيه المواصفات اللي انا عوزاها لانها من وجهه نظري اساس البيت السعيد
وربنا يصبرنا ويرزق كل واحده الزوج اللي تتمناه واللي ليها الخير وياه
كومنت طويل معلش اصلك جيتي علي الجرح ودوستي خصوصا اني منقوطه من اغلبيه الشباب ولبسهم وطريقه تفكيرهم وحياتهم ولو وصلت في يوم للرئاسه الجمهوريها هصدر فرمان بدخول كل الشباب الجيش لحد ما يسترجلو وانزلهم ماده
اسمها تربيه واخلاق ومرجله وعادات
وقاليد
ولو منفعش معاهم هعدمهم كلهم واريح دماغي
يلا يا بنتي مش هطول عليكي اكتر من كده سلام
نورتى المدونه يا ريهام ..
اول زياره ليكى لمدونتى واتمنى متكونش الاخيره ..
اكيد مش كل البنات بتبالغ واكيد برضه فى من البنات اللى بتقدم تناوزلات عما تريد بسبب الظروف العامه لمجتمعنا ..
لكن فى حالات فعلا البنت مش بتكون متطلعه على قد ما هى مش قادره تحدد فعلا هى عايزه ايه..
او ايه اللى بيكمل شخصيتها ..
وعلشان كده لما بتيجى تختار وتتوافق مع شخص ممكن متلاقيش اللى اتمنته ..
لانها هتلاقى اللى يناسبها بس ..
الأحلى ان الواحد يكون حلمه على ارض الواقع بس لما يكون الحلم صح مينفعش نتنازل عنه والا ايه يبقى قيمه الحلم
علينا قبل ما نفكر فى الشخص واحتياجنا فيه نفكر احنا ايه ومين وعايزين ايه وايه حلمى وفكرى ومعتقداتى سعتها هيبنلى الطرف التانى ولو اتنزلت بنت هتتنازل لاى درجه يعنى مينفعش اتنازل لدرجه انى عشان اتجوز اختار فرد مبيحترمش كتبتى طريقتى افكار هوا كدا نختار من الواقع ونحلم بس منبعدش بالحلم
رونا : نورتى المدونه بزيارتك الاولى ..
كلامك تمام جدااااااا ومنطقى جداااا ..
وهو ده اللى قصدته ..
اننا فى اختيارتنا ممكن منكونش بنبالغ او بنطلب المستحيل بشكل مطلق ولكن ممكن ده يكون مبالغ فيه او مثالى بالنسبه لما نحتاجه ويتوافق معنا ..
إرسال تعليق